పెద్ద కొడుకు ( నా మొదటి కథల సంపుటి)

 

నా మొదటి కథల సంపుటి
--------------------------------

పాఠక మహాశయులకు శుభాభినందనలు.

2022 ఏప్రిల్ నెల 17 వ తేదీన  ' *సంస్కార సమేత రెడ్డి నాయుడు*  '  నా తొలి నవలను అవిష్కరించాను. అలాగే అదే తేదీన నా  మూడవ కవితా సంపుటి ని  ' *మట్టి వేదం* '  ను అవిష్కరించాను .

నేను పుట్టి , పెరిగినది , చదువు కొన్నది గ్రామీణ వాతావరణం కాబట్టి  ఆ అనుభవాలు , ఆ   సంఘటనలే ఈ పుస్తకంలోని కథలు. అలాంటి  కథలే నిజ జీవితానికి దగ్గరగా ఉంటాయని నా అభిప్రాయం . నేను నా జీవితంలో చూసిన ,  అనుభవించిన సంఘటనలే నా కథలకు ప్రేరణాలు. నాకు  రాయల సీమ మాండలికం లో వ్రాయడం ఇష్టం . ' పెద్ద కొడుకు '  ,  ' రెడ్డమ్మ ' ,  '  కర్మాను సారే!  '  ,  ' వాన దేముడా !  ' ,  ' పల్లె రమ్మంటుంది -పట్నం పొమ్మంటుంది  ' లాంటి కథలు గ్రామీణ జీవిత నేపథ్యంలో  వాస్తవానికి దగ్గరగా వ్రాసిన కథలు . 

ఈ కథల సంపుటికి ముందు మాట వ్రాసి ఇచ్చిన కళారత్న , ప్రముఖ రచయిత, కవి ,  విమర్శకుడు , గజల్ కవి, జర్నలిస్ట్  , శ్రీ బిక్కి కృష్ణ గారికి నా హృదయ పూర్వక నమస్సుమాంజలి సమర్పిస్తున్నాను.

అలాగే ఈ పుస్తకాన్ని సర్వాంగ సుందరంగా తీర్చి దిద్ది , మంచి కవర్ డిజైన్ తో పుస్తకాన్ని ముద్రించి పాఠక లోకానికి  అందించిన సాహిత్యాభి లాషి , సాహిత్య పోషకులు  శ్రీ సంపత్  కలిమిశ్రీ గారికి   , కలిమిశ్రీ ప్రచురణలు, విజయ వాడ వారికి  నా హృదయ పూర్వక ధన్యవాదములు తెలుపు కొంటున్నాను.

ఈ కథా సంపుటిని ఎంతో దిగ్విజయంగా ఆవిష్కరించిన నవ్యాంధ్ర రచయితల సంఘం కార్యవర్గ నిర్వాహకులకు నా ధన్యవాదములు తెలుపు కొంటున్నాను.

అలాగే ఈ కథల్ని వివిధ పత్రికల్లో  చదివి నన్ను ఎప్పటి కప్పుడు ఆదరిస్తున్న పాఠక మహాశయులకు నమస్సులు తెలుపుకొంటున్నాను.

నాకు జన్మ నిచ్చి , విద్యా బుద్దులు నేర్పించిన  నా తలిదండ్రులు  కీ.శే . శ్రీ వారణాసి కృష్ణ మూర్తి రావు గారికి , కీ.శే. శ్రీమతి స్వర్ణాంబ గారికి నా హృదయ పూర్వక ప్రణామములు సమర్పిస్తున్నాను.

ఈ  మొదటి కథా సంపుటిని  పాఠక లోకానికి అందించాలనే నా కల నెరవేరింది.

భవదీయుడు

వారణాసి భానుమూర్తి రావు
హైదరాబాదు
తేదీ :  15.11.2022

ప్రతులు కావలసిన వారు

మీ వివరాలు కామెంట్ బాక్స్ లో పెట్టండి .

లేదా ఫేస్‌బుక్ లో చూడండి.