మూగ బోయిన బడులు

 

శీర్షిక: మూగ బోయిన బడులు 

రచన: వారణాసి భానుమూర్తి రావు

హైదరాబాదు.

 29.12.2020

---------------------------------------------------

స్కూళ్ళన్నీ ఇళ్ళల్లో  లాప్ టాప్ లై కూర్చొన్నాయి

పిల్లల చదువులు అంతర్జాల మెక్కి అందల మెక్కాయి

బడిగంటల శభ్ధం  మూల  పడి సన్నగా మూలుగు తోంది

ఆటపాటలు లేని మైదానాలు బోసి పొయ్యాయి

పిల్లలు లేని బడులు శిధిల మైన సత్రాల్లా ఉన్నాయి

టీచర్లు కన బడని పిల్లల బడి పాఠాలు బరువెక్కాయి

స్నేహితులతో మాటా మంతీ కాకమ్మ కథల్లా మిగిలాయి

పిల్లల్లేక మా టేబుల్ బేంచీలు బోసి పొయ్యాయి

మా బడులు  మళ్ళీ మాకు కావాలి..

మా చదువులు తరగతి గదిలోనే సాగాలి

అమ్మ ల్లారా ..నాన్నల్లారా మమ్మల్ని బడికి పంపండి

కరోనాకు భయపడి ఇంట్లో బందీలయ్యాము

కరోనా...మమ్మల్ని బడికి పంపించవూ ప్లీజ్! 

సమాజానికి మీరెంతో అవసరం!

 

---------+++--++-----------------------

అంశం : పారిశుద్ధ కార్మీకులు

శీర్షిక: సమాజానికి మీరెంతో అవసరం! 

తేది..07.12.2020

రచన: వారణాశి భానుమూర్తి రావు

ఊరు: హైదరాబాదు 

------------------------------------------------------------

కడుపులో ఆకలి కత్తులు పొడుస్తున్నా

ఇంట్లో పిల్లల ఏడ్పులు ఎద గిల్లుతున్నా

రోడ్ల మీద చీపుర్లు పని చేస్తూనే ఉంటాయి

తాము రోగాల బారిన పడినా మనల్ని రోగాల 

నుంచి రక్షించే దేవతలు పారిశుద్ధ కార్మీకులు

కలరా వచ్చినా కరోనా వచ్చినా

వానొచ్చినా వరద లొచ్చినా

వెరవక తాము బెదరక  పని చేసే దేవుళ్ళు 

మన పారిశుద్ధ కార్మీకులు

మురుగు నీటిని అభిషేకం చేసుకొంటూ 

కల్మషాలను కట్టడి చేసే శివ లింగాలు

మన పారిశుద్ధ కార్మీకులు

చెత్తను నెత్తిన మోసి 

నగరాన్ని అందంగా మెరుగులు దిద్దే 

స్వచ్చ భారతీయులు మన పారిశుద్ధ కార్మీకులు 

స్వచ్చ భారత్ కోసం అహర్నిశలూ శ్రమిస్తూ 

కొవ్వొత్తిలా కరిగి పోతూ వెలుగులు ఇస్తున్న 

ఆరోగ్య రథ సారధులు మన పారిశుద్ద కార్మీకులు

పరిసరాల శుభ్రతలో  సమాజానికి 

సేవలందిస్తున్న మన పారిశుద్ద కార్మీకులు

సమాజానికి ఎంతో అవసరం‌ ! 

వారికి చేయూత నిద్దాం... అక్కున చేర్చుకొని 

స్వచ్చ భారతాన్ని నిర్మిద్దాం! 

---------+++----------++++++++-----