అక్కా..బయటకెల్ల మాక!

అక్కా..బయటకెల్ల మాక!
----------------------------------------------------
సూరీడు ఆకాసం లోకి వచ్చినా బయమే
సెంద్రుడు మేగాల్లో కనబడినా బయమే
పగలయినా బయమే...రాత్రి అయినా బయమే
బయం...బయం...బయం...
దిన దిన గండం..ఈ రోజు
ఎట్లా గడుస్తుందిరా బగమంతుడా?
పగలు రాత్రీ ఒక్కటే ఆయె
సట్ళోకి బియ్యపు గింజలు లేవు
పిల్లోడికి పాలు లేవు..నీళ్ళు లేవు
బతుకులు ఆగమాయమాయె
పను ల్లేవు ..పైసల్లేవు
రోడ్డు మీద కెడితే పోలీసులు ..లాఠీ దెబ్బలు
ఇంట్లో వుంటే ఏడుపులు...పెడబొబ్బలు
ఎప్పుడన్నా ఇసువంటి రోగం కంటిమా? వింటిమా?
మాయదారి రోగం... కరోనా అంట అక్కా!
దూరంగా ఉండాలంట..సేతులు కడుక్కోవాలంట
తుమ్మ గూడదంట ...సీదా గూడదంట
మడిసిని  మడిసి ముట్టు కోగూడదంట
సేతులకు అంటుకొంటే ముక్కు లోపలకి పోయి
వూపిరి బిగ బెడ్తుందంట..సావే గతంట..
మందుల్లేవు..మాకుల్లేవు అంట ఈ రోగానికి
కలికాలం అక్కా ..పొయ్యే కాలమే!
అసలు నాకు తెలీకడుగుతా సామీ?
దేవుడెందుకు గిట్లా  పరీచ్చలు పెడతాడు?
జనాల్ని పరేషాన్ చేస్తాడు?
నీ బాంచను ..కాల్మొక్తా దేవుడా
కరోనాను కబరస్తాన్ కి పంపురీ!
అన్నా...అక్కా..ఓపిక బట్టుండ్రి
కరోనా  ఎల్లి పోతుందంట
ఇంటి పట్టునే ఉండుడ్రి!
బయటకు రాకండ్రి!
కరోనాను తరిమేద్దాం!
రండ్రి..రండ్రి..రండ్రి.!