కరోనా తత్వ గీతం

కరోనా తత్వ గీతం




ఏమీ సేతురా రామా?
ఏమీ సేతురా?

వద్దనక పోతీనీ
కద్దనక తింటినీ
పాడూ రోగ మొచ్చే
పాడే మోసూ కొచ్చే

తెలవక తిరిగితీ
*కరోనా* పాల్బడితీ
మందూ లేని రోగమొచ్చే
చావూ దగ్గర కొచ్చే

ఏమీ సేతురా రామా?
ఏమీ సేతురా?

ఆస్థులు కూడాబెడితీ
మోసాలు చెయ్యాబడితీ
పాడూ రోగామొచ్చే
పొయ్యే కాలమూ వచ్చే

ఏమీ సేతురా రామా?
ఏమీ సేతురా?

ఏమీ సేతురా రామా
ఏమీ సేతురా!

మూడ్నాళ్ళ ముచ్చట
ఈ బతుకూ ఇచ్చట
తెలవక  నిను మరచితీ
మంద భాగ్యుడ నైతీ

ఏమీ సేతురా రామా?
ఏమీ సేతురా?

చైనాలో పుట్టీనా
రాక్షసీ కరోనా
ప్రాణాలు గాల్లోనా
జీవాలు కలిసేనా

ఏమీ సేతురా రామా?
ఏమీ సేతురా?

పిల్లా జెల్లా కాదు
పేదా గొప్పా కాదు
చేరాల్సిందే కాటికి
కరోనా ధాటికి

ఏమీ సేతురా రామా?
ఏమీ సేతురా?

రచన: వారణాసి భానుమూర్తి రావు
కవి, రచయిత

05.03.2020