కాలు గాలిన పిల్లులు

తేది : *  24-1-2019* *గురు వారం*
*వారణాసి భానుమూర్తి రావు*

శీర్షిక : *కాలు గాలిన పిల్లులు*
!!!!!!!!!!!!!!!!!!!!!!!!!!!!!!!!!!!!!!!!!!!


కొందరు రాజకీయ నాయకులు 
కాలు గాలిన పిల్లిలా
గంతులేస్తుంటారు

నీ దగ్గర  పాలు  త్రాగి 
వాడి దగ్గర తృప్తిగా భోంచేసి
ఇద్దర్నీ కడుపు మీద తన్ని 
మూడో వాడి‌ పంచన చేరుతాడు

ఈ కాలు గాలిన పిల్లులు
రాజకీయ విలువల్ని తుంగలో తొక్కి
అన్నం బదులు అవినీతి గబ్బుతో
కడుపు నింపు కొంటారు

కొందరు రాజకీయ నాయకులు
గమ్యం తెలియని అవకాశ వాదులు

కొందరు రాజకీయ నాయకులు 
కాలు గాలిన పిల్లిలా
నిలకడ లేని నిరర్థకులు

మానసిక శాంతి లేని
మంద బుద్దులు.

వారణాసి భానుమూర్తి రావు
24.1.2019