ఎదుటి వారికి చెప్పేటందుకే!

తేది : *  25-1-2019* *శుక్ర వారం*
*వారణాసి భానుమూర్తి రావు*
----------------------------------------------
ఎదుటి వారికి చెప్పేటందుకే!

-------------------------------------------------
నేల నవ్వింది
ఏరు నవ్వింది
చేలు నవ్వింది
చేప నవ్వింది
చేవ చచ్చిన ఈ రాజకీయ నాయకులని చూసి
ఇచ్చిన మాటను   నిలబెట్టు కోలేని 
ఈ ప్రబుద్దులని చూసి.....

వోట్ల కోసం గాలం వేసి 
నీతి వాక్యాలు వల్లించి
ప్రజాసేవే పరమార్థం అని బురిడీ  కొట్టించి
ప్రజల్ని అడ్డంగా మోసం చేస్తున్న 
ఈ అభినవ దుశ్శాసనులు
ఎదుటి వారి కోసం నీతులు వల్లిస్తారు
తమ దాకా వస్తే తల కాయలు తరుగు తారు

అవినీతి మడుగులో 
పందుల వలే పొర్లుతూ దొర్లుతూ  వున్న 
అధికారులు దొరక నంత వరకూ దొరలే!

యోగ ముద్రలో దేవుడి అవతారం అని 
చీకటి ముసుగులో చేసే  రతి క్రీడలు
నిత్యానంద బాపూజీలు 

*వైద్యో నారాయణో హరి*  అన్న  వైద్య శిఖామణులు
*గురు దేవో మహేశ్వరా*  అన్న గురు దేవులు
అధికార పెత్తనం చేస్తూ  ఆఫీసుల్లో తిరిగే మృగాళ్ళు
కామంతో కన్నులు మూసుకొని
అబలల, చిన్నారుల  మానాన్ని చెరచే  రాక్షసులు

ఎదుటి వారికి చెప్పేవి శ్రీరంగ నీతులు 
దూరేవి దొమ్మర గూళ్ళు

రెండు తలకాయలు గల ఈ పెద్ద మనుషుల్ని‌ 
గుంతల్లో  పెట్టి పొగ పెట్టాలి
సమాజాన్ని జాగృత పరచాలి
ఈ నల్ల మరకల్ని కడిగెయ్యాలి.
------------------------------++++++-----

వారణాసి భానుమూర్తి రావు
హైదరాబాదు