ఒభామ !

ఒభామ !
------------------



''నీ  పేరు ?''
'' ఒభామ  ''
'' ఏ ఊరు ? ''
'' సౌదీ అరేబియా  లో ఒక పట్టణం ''
'' నీ వయసెంత ? ''
'' నలభై ఆరు ''
'' ఏమి చదువు కొన్నావ్ ? ''

'' ఆర్ధిక శాస్త్రంలో పట్టా పుచ్చు కొన్నాను . నాకు ఇంగ్లీషు, అరబిక్ భాషలు బాగా వచ్చు ''

'' నీకు పెళ్లయిందా ?''
'' ఓ ..పెళ్లయింది.. ఎంత మంది భార్యలు ఉన్నారో గుర్తు లేదు  ''

''ఎంత మంది పిల్లలు ?''

''గుర్తు లేదు.. సుమారు వంద మంది ఉండొచ్చు ''

'' అన్నట్టు మరచి పొయ్యాను .. నువ్వెందుకు వచ్చావు ఇక్కడికి ? ''

'' ఉద్యోగం కోసం వచ్చాను . ''

'' ఇక్కడ వేకెన్సీ ఉందని నీకెవ్వరూ చెప్పారు ? ''

''పేపర్లో  మీ ప్రకటన చదివాను . ''

''ఇంతకీ నీకు ఉద్యోగం ఎందుకు ?''

'' సౌదీ  అరేబియా లో మా షేకు కు ఎసరు పెట్టాను .. ఆ దేశము  నుండి నన్ను తరిమి వేశారు .
అలాగే    ఆఫ్గనిస్తాన్  కి  వెళ్లి  కుంపటి పెట్టాను . అక్కడ అమెరికా వాళ్ళ బాంబులు తట్టుకోలేక   ఇక్కడకు వచ్చాను . ''

'' నా దగ్గర పని చెయ్యడానికి  నీకు   ఏమి అనుభవం ఉంది ?''

''   చాలా  అనుభవం ఉంది. చక్కగా మాట్లాడ గలను. రాయ గలను . కోట్ల రూపాయల్లో వ్యాపారం చెయ్యగల అనుభవం ఉంది. ముందు నాకు ఉద్యోగం ఇప్పించండి. తరువాత చూడండి  నా  తడాకా  ! ''

అతడు నా ముందర కుర్చీలో కూర్చొన్నాడు . పేరు తమషాగా ఉంది . ఒభామా  . విశాల మైన  కళ్ళు. ముఖంలో అలసట . ఆత్రుత కన్పిస్తున్నాయి . వయసులో  చిన్నవాడయినా అరవై ఏళ్ల       వ్యక్తి లాగా కన బడుతున్నాడు . ఇంకేమి ప్రశ్నలు వెయ్య దలఁచు కోలేదు .
పాపం చాలా  కష్టాల్లో ఉన్నాడు . గాబట్టి ఉద్యోగం ఇవ్వదలచు కొన్నాను.

'' ఒభామా ... యూ అర్ సెలెక్టడ్ . జీతం నెలకు పది వేలు. రేపు వచ్చి  అప్పాయింటుమెంటు ఆర్దర్ తీసుకోని వెళ్ళు. 'అన్నాను.


'' చాలా    థాంక్స్  సార్. మీ  సహాయం ఈ  జన్మలో మరచి పోలేను ' అన్నాడు ఒభామా .
ఒభామా నాకు షేక్ హాండి చ్చి      బయటకు నడిచాడు .
------------------------------------------------------------------------------------------------------------------

ఒభామా ఉద్యోగంలో చేరి  నెల రోజులయింది. చెప్పిన పని చక్కగా చేస్తున్నాడు .

ఎప్పటిలాగే నేను ఆఫీసుకొచ్చాను. అంతే      షాక్ కొట్టినట్లు అయ్యింది నాపని. నా కుర్చీలో ఒభా మా కూర్చొన్నాడు . కా ళ్ళు టేబిల్ మీదకు సాచి  కూర్చొన్నాడు. భుజం దగ్గర ఒక్క పెద్ద తుపాకి పెట్టుకొన్నాడు.

'' ఒభామా ., ఏమిటి  ఎవరిచ్చారు నీకీ అధికారం ? ''

'' నువ్వే ఇచ్చావు అధికారం. '' అన్నాడు      ఒభామా .

'' అన్యాయం. అక్రమం. ఎవరక్కడ ? '' అరిచాను నేను .

'' ఇక్కడ ఎవ్వరు లేరు.. నోరు చించుకొని అరవమాక . ఈ  రోజు నుండి నేనే బాస్ . నేను చెప్పినట్లు నువ్వు  వినాలి '' అని చేతిలో ఉన్న తన    తుపాకిని నాపై గురి పెట్టాడు .

ఒభామా చేతిలో ఉన్న తుపాకిని చూసి భయ పడి  చచ్చి  పొయ్యాను నేను. ఎక్కడ ఠపీ మని
కాలుస్తాడా అని .

' మిష్టర్ ..నేను చెప్పినట్లు నువ్వు చెయ్యి .. ఈ   తెల్ల కవర్లలో ఈ తెల్ల  పొడిని వేసి  ఈ  అడ్రస్సులనన్నిటికి పంపించు ' అని  అన్నాడు ఆర్డర్   జారీ  చేస్తూ .

'' అన్యాయం.. మోసం. దగా .. ఇది ఆంత్రాక్స్ పౌడర్ .. చేతుల్తో తాకితే ఠపీ మని చస్తాను ''

'' నువ్వేమి చావవులే! ఈ  ప్రొటెక్టివ్ గ్లౌజులని , మాస్కుని , చేతులకు, ముఖానికి వేసుకొ.. కవర్లను సీలు చేసి అమెరికాలో ఉన్న ఈ  అడ్రసులుకి  పంపాలి .. వెంటనే పోస్ట్ ఆఫీసుకు వెళ్ళు  . ఇది నా ఆర్డర్ . లేదంటే ... '' అని తన తుపాకీ చూపించాడు   ఒభామా .

భయంతో బిక్క బిగుసుకు పోయాను నేను .

చచ్చినట్లు  పౌడర్  ఆ కవర్లలో నింపి  , అడ్రస్సులు రాసి , సీలు చేసి పోస్ట్ ఆఫీసుకు పరుగెత్తాను  .
 -----------------------------------------------------------------------------------------------------------------

''  ఏయ్ నిన్నే... ''

'' చెప్పు ఒభామా !''

'' పేరుతొ పిలవకు . సార్ అను . ''

 '' ఎస్ సర్''

'' ఈ రోజు నుండి మన ఆఫీసులో   అందరూ  తెల్ల బురకాలు వేసుకోవాలి . ఆడవాళ్లు ఉద్యోగం చెయ్య గూడదు . ఇంట్లోంచి ఆడవాళ్లు బయటకు రాగూడదు . ఆడ పిల్లలు చదవ గూడదు. మీ ఇంట్లో టివి లు , రేడియో లు ఉంటే  వెంటనే పగల గొట్టాలి . మగ వాళ్లు  ప్యాంట్లు వేసుకోగూడదు . మీరంతా ఆరేళ్లకే కొక్క సరి షేవింగ్ చేసుకోవాలి . బ్లేడులు, కత్తెరలు , రేజర్లు నిషిద్ధం. సోపులు , షాంపూలు  వాడగూడదు. తలకు నూనె పూయ్యొద్దు . ముఖానికి      పౌడర్లు, క్రీ ములు వాడగూడదు. మల మూత్ర విసర్జన ఆఫీసుల్లో చెయ్యగూడదు. కాఫీలు, టీలు, బ్రాందీ      , విస్కీలు, తాగగూడదు. ఇది నా ఆర్డర్. మన ఆఫీసులో పని చేసే వాళ్ళందరికీ   ఇది వర్తిస్తుంది. ''

' ఒభా మా .. ఇది అన్యాయం ' అని అరచినాను  బిగ్గరగా .

' ఎవడ్రా  నువ్వు ?  ఎక్కడినుండో  వచ్చి  మా మీద  అధికారం చూపిస్తావు '  అంది  ఒక లేడీ  టైపిస్టు .

  అంతే .. ఒభామా  తుపాకీ తీసి ఆమె వైపు  గురి చూసి పేల్చి వేసాడు. ఆమె   కెవ్వున  అరచి  క్రింద  పడి పోయింది .

ఈ  పరిణామానికి నా కాళ్ళు వంకరలు  తిరిగి పొయ్యాయి. భయంతో  స్పృహ  కోల్పోయి క్రింద పడి పొయ్యాను.

--------------------------------------------------------------------------------------------------------------


నిద్ర లేచే సరికి  ఒభామా  బిగ్గరగా  నవ్వుతున్నాడు నాకేసి .
' నువ్వు  కోమా లోకి  వెళ్లి ఆరు నెల్ల యింది . ఇప్పుడే  నిద్ర లేచావు ' అన్నాడు ఒభామా నాకేసి చూసి .

పరిసరాల్ని చూస్తే  ఏదో  హాస్పిటల్లో  ఉన్నట్లుంది  నేను .

' నా భార్యా .. పిల్లలు  .. నా ఆఫీసు ,..  నా  స్టాఫ్   ఎక్కడ ? '

' అందరు   బాగున్నారు . కాకపొతే  కొన్ని మార్పులు .. చేర్పులు '

అందరు వచ్చి నాతో  కర చాలనం చేస్తున్నారు . మగ వాళ్లంతా  గడ్డాలు పెంచి నన్ను కలుస్తున్నారు . వాళ్ళ మొహాలు అంద  విహీనంగా కరడు  గట్టి ఉన్నాయి. ఆడవాళ్లు  అసలు కన బడ్డం లేదు. వాళ్లందరికీ నేను పరిచయమే . కానీ వాళ్ళు నాకు పరిచయంగా ఉన్నట్లు లేదు.

'' ఒభామా.. నా భార్య ఎక్కడ ? ''

'' అదో .. ఇక్కడ ''
'' ఏమండి ? ''  కోమలి  కాళ్ళు , చేతులు కట్టేసారు . ఆమె ఏడుస్తోంది.

'' ఏమయ్యింది కోమలీ ? ''

 '' ఆడవాళ్లు  ఆఫీసులకు రావద్దంటే మీ  ఆవిడ  ఆరుసార్లు వచ్చింది. షాంపూలు  , సోపులు వాడొద్దంటే ఇంటి నిండా అవ్వే . ఏమి చేసుకొంటావో  , చేసుకో - అని బెదిరించింది . దీనికి శిక్ష ఏమిటో  తెలుసా ? '' ఒభామా గర్జించాడు .


''తెలీదు '' అని తల ఊపాను .

''ఉరి శిక్ష . రేపే  మన ఆఫీసు ప్రాంగణంలో ఆమెను ఉరి తీయడానికి ఏర్పాట్లు జరుగు తున్నాయి'' . అన్నాడు ఒభామా .

'' ఒభామా ! '' బిగ్గరగా అరిచాను . స్పృ హ తప్పినట్లయింది మళ్ళి .
--------------------------------------------------------------------------------------------------------------

లేచి  చూసే సరికి కోమలి  ఒళ్ళంతా ఒక బురఖా  లాంటిది  వేసినట్లుంది . ఆమె గొంతుకు  నులి త్రాడు తగిలించాడు . ఆ త్రాడుకు  ఒక గిలక  ఆధారంతో  ఇంకొక  ప్రక్కకు  లాగి  ఉంది .
తనకు అర్థమై పోయింది . కోమలికి  కాస్సేపట్లో ఉరి శిక్ష  అమలు కాబోతుంది .

''భగవాన్. ఏమిటి పరిక్షా ?'' ఏడ్చేసాను .

''కోమలీ ''  అని బిగ్గరగా అరచి ఆమె  కేసి పరుగెత్తాను .

ఇంతలో  ఒభామా  వెనక్కి  లాగాడు  నన్ను  .

'' శిక్ష అమలు జరిగి తీరాల్సిందే !  ఇది నా ఆర్డర్ . ఎవడ్రా అక్కడ ? తాడు లాగండి ''

'' కోమలి ..నో ..ఒబామా .. ప్లీజ్ ..నా భార్యని  రక్షించు .  నా పిల్లల్ని రక్షించు . నేను ఈ  దేశం వదలి పారి పోతాను . నా ఆస్థి  అంతా నీకే  రాసిస్తాను .  మమ్మల్ని ప్రాణాలతో  వదిలెయ్యి . బ్రతికుంటే  బలి సాకు అయినా తిని బ్రతుకు తాము . ఒసామా .. ప్లీజ్ ''  అని గట్టిగా  అరుస్తున్నాను .

'' ఏమయ్యిందండి .. ఏమయ్యింది ?  మేమంతా  బాగానే  ఉన్నాము  గదా ? '' నా శ్రీమతి  పక్క  మీద నుండి  తట్టి లేపుతుంది .

ఆదుర్దాగా  లేచి కూర్చున్నాను . ఇంత  సేపు  జరిగింది  కలా - నిజమా అని   ఒళ్ళు గిల్లుకొని నీళ్లు  త్రాగినాను .

'' కోమలి .. పాడుకల వచ్చింది . ఒసామా  కలల్లోకి వచ్చాడు ''  అని శ్రీమతిని  బిగువుగా కౌగలించు కొన్నాను .

 ''పాడు బి బి సి , సి ఎన్  ఎన్  న్యూస్ లు  రాత్రంతా చూడ వద్దన్నాను గదా ? అందుకే  ఈ  పాడు కలలు '' అంది కోమలి .

శ్రీమతి  ఒడిలో  చిన్న పిల్లాడిలా  నిద్ర పొయ్యాను మళ్ళీ .

------------------------------------------------------------------------------------------------------------------

( ఈ  కథ ఎవ్వరిని  ఉద్దేశించి రాసినది గాదు . ఇందులోని  పాత్రలు , పేర్లు , పరిసరాలు , సంఘటనలు కేవలం కల్పితం.  ఈ  కథ కేవలం  హాస్య రస ప్రధానంగా రాసినది. )