అమరావతి

అమరావతి 
---------------------------------------------------
అమరావతి ధాన్య   కటక మట ఒక నాడు
పరి పాలించిరి  తెలుగు రాజులు  ఆనాడు
శాతకర్ణి  శాలివాహన  యుగ కర్త  ఆనాడు
చంద్ర బాబు  నవ్య అమరావతి సృష్టికర్త  ఈనాడు

బుద్ధుడు  తిరుగాడిన శాంతి  తపోవనం అమరావతి
అమర లింగేశ్వరుడు  అమృత మూర్తియై  వెలసిన  అమరావతి
స్వర్గం లో  ఇంద్రుడి  రాజధాని  అమరావతి
భూతలంలో ఆంధ్రుల  స్వప్న సాకారం  ఈ  అమరావతి

ఆకాశ  జల పాతాలు  - జీవ నదుల అనుసంధానాలు
పచ్చిక  బయళ్లు - హరిత వనాలు - ఉద్యాన వనాలు
అనుకొంటే  మనిషి  సాధించ లేనిది  ఏముంది ?
వెను వెంటే నాయకుడుంటే  తిరుగు లేనిది ఏముంది ?

రాజధాని  లేని  రాష్ట్ర మిచ్చినారని బెంబేలెత్తిన  ఆంధ్రులకు
ముక్కోటి  దేవతలు అండగా  నిలిచారు  అమరావతిలో
ఎనిమిదవ వింతగా  నిలుస్తున్న  అమరావతికి
ప్రపంచ దేశాలు  నీరాజనం  పట్టే  రోజు  వస్తుంది !

ఆకాశ హర్మ్యాలు - పచ్చని  భవనాలు - స్వర్ణ తోరణాలు
అద్దంలా  మెరిసి  పొయ్యే తారు  రోడ్లు - జల తారు  కూడళ్లు
ప్రపంచమా  ఆగు - సంధి  కాలం దాటి పోనీ !
అమరావతి  నీకు ఆహ్వానం పంపిస్తుంది !

ప్రపంచ పెట్టుబడుల స్వర్గ ధామం
బడుగు జీవితాల్లో  వెలుగులు  చిందే  వైకుంఠ    ధామం
ఐదు  కోట్ల  ఆంధ్రుల  ఆశా దీపం  అమరావతి !
భరతా వనికే  మణి  మకుట  మహోజ్వల రత్న హారం  అమరావతి !!



రచన:  వారణాసి  భానుమూర్తి రావు
హైదరాబాదు
99890 73105