పారి పొయ్యాడు!

పారి పొయ్యాడు!

-------------------------

కులాల తలల్ని కత్తరించండి

కులాల తోకల్నీ  కత్తరించండి

అప్పుడు శంభూకుడెవ్వడో,

జాంబ వంతుడెవ్వడో ,

రాము డెవ్వడో ,

రావణాసురుడెవ్వడో

గుర్తు పట్టలేరు.

నేను పుట్టిన ప్రతి రోజూ  ఓడుతున్నాను

వాడు పుట్టిన ప్రతి రోజూ గెలుస్తున్నాడు

గెలుపు ఓటములు దైవాధీనాలా ? కులాధీనాలా?

అంతెందుకు ?

మొన్న ఒక కొంగల గుంపు

ఏటి ఒడ్డున తపస్సు చేస్తుంటే

 ఒక ఏనుగుల గుంపు

జనారణ్యం లోకి దూరి హంగమా చేసింది

నీతుల గోడలు కట్టి ఎగబాకే పీతలన్నీ , పడి జారి పోతున్నాయి

అతడెవడో అన్నాడు నాకు కవిత్వం రాయడం  చాత గాదనీ

చదవడం  చాత గాదనీ

చివరి చరణం పట్టుకొని

అర్థం చెప్పమని అడిగాను అతడ్ని

అతను కవిత్వాన్ని వదలి పారి పొయ్యాడు

మళ్ళీ జనారణ్యం లోకి!!

వారణాశి భాను మూర్తి రావు

 11.06.2017