స్వర్గ సీమ

స్వర్గ సీమ
---------------------------------

ఒక్కొక్క మంచు రేణువు
పైన్ చెట్ల మీద  కురుస్తుంటే
నక్షత్రాలు  నింగి నుండి గుత్తులు గుత్తులు గా రాలి నట్లున్నాయి
దూరంగా కనబడే పర్వతాలు
తె లి మంచు  దుప్పట్లలో దూరినట్లుంది!
నల్లటి తారు రోడ్లన్నీ
తెల్లటి మంచు జరీ  అంచు  చీర కట్టు కొన్నట్లుంది!
పైన్ చెట్ల మిద నుండి
జాలు వారుతున్న మంచు
శ్వేత పళ్ళు రాలినట్లు అన్పిస్తోంది
పర్వతాల మిద కన బడె  మంచు  అంచులు
విచిత్ర మైన కాంతిని వెదజల్లుతున్నాయి
స్వర్గం నుండి అమృత జల్లులు కురిసినట్లుగా
ఆకాశం నుండి శ్వేత పుష్పాలు పుప్పొడి జల్లి నట్లుగా
విచిత్రమైన అనుభూతి!
వింత లోకంలో  ఉన్నట్లు ఒక పరవశం!
ఎవరో  ఆ   సృష్టికర్త ?
ఎవరో  ఆ   శిల్పి ?
మలయ మారుతాలు
నందన వనాలు
పిల్ల గాలులు
అల్లరి  జల్లులు
స్వర్గ దామమా ?
ఇది మరో ప్రపంచమా?
దేవతలు దిగి వచ్చిన చోటా ఇది ?
మనం  దారి తప్పి ఇచటకు  వచ్చామా?
ఏటవాలు  కప్పుల మిద నుండి  మంచు రేణువులు
తెల్లని ముత్యాల్లా  క్రిందకు జాలు వారుతున్నాయి
అవి మంచు  గడ్డలై  సూర్య కిరణాలకు
ముత్యపు గనుల్లా మెరుస్తున్నాయి
మంచు కరిగిన నిరు  
జల పాటలు పాడుకొంటూ ముందుకు సాగి సాగి
సెల ఏరై , ఏరై , జల పాతంలో కలసి
ఒక  శ్రా వ్యమైన సంగీతాన్ని వినిపిస్తున్నాయి !


SEATTLE  కి అరవై మైళ్ళ దూరంలో ఉన్న మంచు పర్వతాల్ని , జల పాతాన్ని ఈ  రోజు  చూసి  స్పందించి రాసిన కవిత .
25. 12. 2014  ---భాను వారణాసి