వెలుగు లేని చీకటి ( కవిత))

 

వెలుగు లేని చీకటి
---------------

మా తాత గారిచ్చిన ఈ భవనం తాలూకు స్మృతి చిహ్నాలు కనుమరగై పొయ్యాయి
అపార్టుమెంటు భూతం నా బంగారు గృహాన్ని ముక్కలు చేసింది

మా పెరటి తోటలో పూస్తున్న సంపెంగ చెట్టు  వాడి పోయింది
మా ఇంటి మహ లక్ష్మి తులసమ్మ మొక్క గుండె బ్రద్ధ లయింది

మా ఇంటి చుట్టూ పెనవేసుకొన్న లతా నికుంజాలు సొమ్మసిల్లి పొయ్యాయి
మా ఇంటి చెట్ల మీద ఆడుకొంటున్న పక్షుల జంటలు పారి పొయ్యాయి

గూడు చెదిరిన తల్లి పక్షులు ఆర్త నాదాలు చేసుకొంటూ ఎగిరి పొయ్యాయి
పచ్చని చెట్ల మధ్య ఉన్న మా భవంతి కుప్ప కూలి పోయి ముక్కలయింది

ఇప్పుడు నా హృదయం మొద్దు బారి పోయింది
ఇప్పుడు నా బ్రతుకు వెలుగు లేని చీకటయింది
-------------------------------------

రచన: వారణాసి భానుమూర్తి రావు
హైదరాబాదు
29.09.2022