నాన్న !

నాన్న !

-----------

నాన్న అభయ హస్తాలు నా ఉన్నతికి  సోపానాలు 

నాన్న భుజాలు నన్ను మోసిన పవిత్ర సిలువలు      

నాలో తొలగని భయాలకు ఆనకట్ట మా నాన్న

తెలియని రేపటికి   తొలి ఉషస్సు  మా  నాన్న  

నా బ్రతుక్కి పూచిన వెలుగులు నాన్న కరుణ నేత్రాలు

అవి  నాకు కనబడని  అశ్రు ధారల జల పాతాలు 

దారి కానరాని బాటసారికి నాన్న నడిపించే దేవుడు

ఆశల మొగ్గలకు  కొమ్మలు   నాన్న అనుభవాలు

మాటే మౌనమైనా  కురిపిస్తాయి మమతాను రాగాలు

గుండె  అంచులు దాటి   ఉబకని  ప్రేమ తరంగాలు 

అక్షరాలకు కన్నీళ్లు  పెట్టించే  నాన్న  త్యాగం 

తడిసి  ముద్దవుతుంది  నాన్నకోసం రాసిన కావ్యం 

నాన్నల త్యాగాలు వృధా కావు 

చిన్న మొక్కలే  వృక్షాలై  ఫలాల్ని అందిస్తాయి !

వారణాశి భానుమూర్తి రావు

01. 10 . 2017
హైదరాబాదు
9989073105

( ఈ  నా కవిత స్వంత మనియు , ఇది ఎక్కడా ప్రచురణకు నోచుకోలేదనియు , ఇది ఎలాంటి  అనుసరణీయము, అనువాదము  గాదనియు  , ఈ  కవితను  మీ కవితా సంకలనమునకు వాడుకోవడానికి  ఎలాంటి  అభ్యంతరము  లేదనియు  మీకు తెలియ చేయు చున్నాను.  )