బ్లాక్ బాక్స్ (Black Box )
అందంగా ఉన్నప్పుడు
ఆమె అంతెత్తుకు ఎగిరింది
యవ్వనంలో మేఘాల మీద
మయూరిలా నర్తించింది
జీవితమే ' రన్ వే ' ఆమెకు
టేక్ ఆఫ్ లు. . లాండింగ్ లు ..
షికార్లు .. సరదాలు ..
ప్రపంచాన్ని చుట్టేసింది
ఆకలి గొన్న కొన్ని సింహాలు
ఆమె ' కాక్ పిట్ ' లోకి ప్రవేశించాయి
కొన్ని నిరర్థక పక్షులు
ఆమెను ఢీ కొన్నాయి
రెక్కలు తెగిన విమానంలా
ఆమె కూలి పోయింది
శకలాలు ముక్కలయిన
మెటెరోయిడ్స్ లా జారి పడ్డాయి
ఇప్పుడందరూ బ్లాక్ బాక్స్ కోసం
వెతుకు తున్నారు
పగిలి పోయిన గొంతు పలికిన
చివరి సత్యాలు ఏవైనా
నిక్షిప్తమై ఉన్నాయా అని !!
(పేపర్లో శిరీష ఉదంతం చదివాక )
Bhanu Varanasi / 20.06.2017/ USA
No comments:
Post a Comment