అసలు నువ్వెవరు ?
నేనామెకు మొదటి నుండి చెబుతూనే ఉన్నాను
ఆమె నవ్వుల పువ్వుల్ని నా మొహం మీద విసిరి వేయ వద్దని
అవి నా ఎదలో అగ్ని పర్వతాల్ని ఎగదోస్తాయని
ఆమె కట్టుకొన్న పరికిణి లోని అందాలన్నీ
సీతా కోక చిలుకలై నా మీద వాలి
నన్ను ఆమె తోట లోకి తీసుకెడతాయి
ఆమె వయ్యారంగా నడుస్తున్నపుడు
వేలాది ఫ్లెమింగో పక్షులు ఆమె వెంట నడిచేవి
ఆమె ఒక్క సారి నవ్వితే
శశి రంలో రాలిన పువ్వులన్నీ
కొమ్మల వైపు వెళ్లి మళ్లి చిగురిస్తాయి
ఆమె వున్న చోట వసంతం ఒక్క సారి ఆలోచిస్తుంది రావాలా వద్దా అని
నేనామెకు మొదటి నుండి చెబుతూనే ఉన్నాను
రోమన్ దేవత వీనస్ గురించి విన్నానే గాని
నిన్ను చూసాకే అర్థమయింది వీనస్ దేవత ఇలానే ఉంటుందని
నీతో వెంట నడుస్తున్నపుడు
నీ వెంట అజంతా ఎల్లోరా కుడ్యాలు పేలవంగా నడవడం చూసి
ఆశ్చర్య పోయాను
అవును .. రవి వర్మ కళల సౌదమినివి నువ్వు
ప్రతి రోజు స్వప్నం లో సాక్షాత్కారిస్తున్నావు నువ్వు
అసలు నువ్వెవరు ?
No comments:
Post a Comment