నీ కోసమే !

నీ  కోసమే !



ఆనాడు  నువ్వు  నా కోసం
కొన్ని  క్షణాల్ని  బహుమానంగా  ఇచ్చావు    
నువ్వు నా  కోసం   కొన్ని నవ్వుల్నీ గూడా దాచి ఉంచావు

నువ్వు  మల్లెపూలు తురుముకొన్న జడతో  వచ్చి
వెన్నెలమ్మను కూడా  వెంట పెట్టు కొచ్చావు
నక్షత్రాలన్నీ  వొంపుకొని  నడచి వచ్చావు  నీలి  రంగు  ఆకాశ పల్లకి  మీద

అక్కడ  నేల మీద  పరచు కొన్న సంపంగి పూలు  నువ్వు రాగానే
నవ్వాయని  నువ్వు అలగ  లేదూ ?

మొగిలి పూల  వాసన  వస్తే నువ్వు భయ పడ్డావు 
గుర్తుందా నీకు  అక్కడ నాగ పాములుంటాయని

మనం ఒక్క సారి వాన జల్లులో తడచి నప్పుడు
నువ్వెంత భయ పడ్డావో  తెలుసా ?

ఆ గాఢ  పరిష్వంగణ లో  నన్ను నేను  తమాయించు  కోలేనప్పుడు
సుతారంగా  నువ్వు  నా పెదవుల్ని  స్పృశించావు

నువ్వు  కిల కిల మని నవ్వితే 
పోయిన వసంతం తిరిగిచ్చిందని  కోయిలమ్మ  నీతో  జత కలిపి పాడింది

ఎగిరే పక్షులన్నీ  ఆకాసంలో  ఒక్కసారి  ఆగి పోయి 
నీ వంకే  తదేకంగా చూస్తున్నాయి
నువ్వు గెంతుతూ చేసే  అల్లరిని  చూసి


నన్ను నేను  తమాయించు  కోలేక నీకీ  కవితను  రాస్తున్న 
ఒక్కసారి  వస్తే  నా హృదయాన్ని  చదువుదు  గానీ !
 


17. 01. 2015
భాను వారణాసి