కవిత్వ మంటే! ( kavitva Mante!)

కవిత్వ మంటే!
-------------------------------
కవిత్వ మంటే
గడ్డి పువ్వు మీది జాలు వారుతున్న
తెలి మంచులా ఉండాలి


కవిత్వ మంటే
సన్న జాజి తీగకు వికసింఛిన
జాజి పువ్వుల్లా ఉండాలి

కవిత్వమంటే
తొలకరి జల్లులో తడిచిన
మట్టి వాసనలా ఉండాలి

కవిత్వమంటే
పున్నమి నాటి గొదావరిలా
ప్రకాశించాలి

కవిత్వమంటే
సురభి నాటకంలా
అహ్లాదంగా ఉండాలి

కవిత్వమంటే
అమ్మ చేతి గోరు ముద్దలా
కమ్మగా ఉండాలి

కవిత్వమంటే
పల్లె పడుచులంత
నిర్మలంగా ఉండాలి

కవిత్వమంటే
మంచుతో కడిగిన
మేలి ముత్యంలా ఉండాలి

కవిత్వమంటే
ప్రియురాలి తొలి ముద్దులా
హాయిగా ఉండాలి

కవిత్వమంటే
ఏటి ఒడ్డున పారే
నీటి గల గలలా ఉండాలి


భాను వారణాసి





., 19.12.2014