కొందరు
కొందరు కలకాలం గుర్తు ఉండి పోతారు
కొందరు కొంతకాలమే గుర్తుంటారు
మరి కొందరు అసలే గుర్తుండరు !
కొందరి పరిచయం మహద్భాగ్యంగా ఉంటుంది
కొందరి పరిచయం విజ్ఞాన గని లా ఉంటుంది
కొందరి పరిచయం అన్ని విధాల మనల్ని ఆదు కొంటునే ఉంటుంది !
మంచు మేఘాలు చల్లని గాలితో కలిసి వర్షాన్ని కురిపిస్తాయి
సూర్యుని కిరణాలు నీటి జల్లులతో కలిసి ఇంద్ర ధనుస్సై మెరుస్తుంది
వసంత కాలం లో లేలేత ఆకుల్ని తిని కోయిలమ్మ మధుర రాగాల్ని పలికిస్తుంది !
అందరి కోసం అందరు ఉన్నా
కొందరి కోసమే కొందరు పుడతారు
మనసులో ఎన్ని తలపు లున్నా
ఒక్క తలపే మధురానుభూతై మిగులుతుంది !
No comments:
Post a Comment