ఇలాగే ఉండనీ!!
-------------------------------------
మరు మల్లెలు గొలిపే నీ సొగసు
ఇంకా ఓ మారు తిలకించాలని వుంది ప్రియా!
కమనీయ రమణీయ శృంగార భృంగారపు మాటలు
మళ్ళీ మళ్ళీ ఒక మారు వినాలని ఉంది ప్రియా!
అజంతా ఎల్లోరా శిల్పుల వేల్పువై
బెదురు లేక ఎదురుగా నీవు నిలుచుంటే
మళ్ళీ ఒక మారు చూడాలని ఉంది ప్రియా!
నీ గాజుల సవ్వడి గంగామ గల గల రవలతో
మళ్ళీ మళ్ళీ ఓ మారు వినాలని ఉంది ప్రియా!
భానుని కిరణాల కాంతులతో ముకిళిత కలువ
వికసిత మైన నీ నగు మోమును
మళ్ళీ ఓ మారు తిలకించాలని ఉంది ప్రియా!
నీ పాదాలకు పారాణి నా హృదయ రాణివైన నీకు
మళ్ళీ ఒక మారు పూయాలని ఉంది ప్రియా!
రతీ మన్మధుల వలే మన దాంపత్య జీవితం
ఇలాగే ఉండాలని ఉంది ప్రియా!
------------------------------------------------------------------
వ్రాసిన కాలం....01.07.1975
( నా వయస్సు అప్పుడు 19 )
వారణాసి భానుమూర్తి రావు.
