డెత్ మాట్రిక్స్

డెత్ మాట్రిక్స్
-----------------------------------------

నాకు తెలియక  నన్ను నేను
ఒక  సూర్యాస్తమయం   ఆపాలని
సముద్ర కెరటమై  ఎగురుతున్నా
గుల్లలై      గవ్వలై
ఆ మెడిటేరియన్  మహా సముద్రం బీచ్ లో
నా ఆశల్ని  ఆసాంతం  ఏరుకొంటున్నా
బిందువు లా  ముందుకు వస్తున్న
ఆ నావ    ఎన్ని జీవితాల్ని  మోసుకోస్తుందో
ఒక జాతి  వేదన  తుప్పు  పట్టిన  ఓడ లా
దేశపు  హద్దుల్ని దాటి
పరాయి దేశపు  గడ్డ వైపు  కాళ రాత్రిలో ప్రయాణిస్తూ
సముద్రమే  భీకర జీవన సమరమై
అంతు లేని  బాధా సర్ప  ద్రస్టులై
ఒక్క సారి  పడి  లేచిన  కెరటం ఆ  నావను లాక్కొని
సాగర గర్భాన్ని  చేర్చిన వేళ
విగత  జీవులై  చిన్నారుల  ఆక్రందనలు
చెల్లా చెదురైన  శవాలు
కకా  వికలమైన  జీవితాలు
తీరానికి  చేరలేని  నిస్సహాయ  నిర్భాగ్యులు
కలల సౌధాలు ఒక్కసారిగా కూలిపోతే
ఇది ఏ దేశం చేసుకొన్న కర్మ ?
ఇది  ఏ దేశం  రాసుకొన్న  మరణ వాజ్ఞులమ్ ?
ఇది  ఏ దేశం  రచించిన  ద్వంస కాండ ?
హింస రచన లో  బలి  అయిన  అమాయకులకు
ఏ తీరం  జవాబివ్వగలదు ?
తీరానికి  కొట్టుకొచ్చిన  పసి పిల్లాడి శవాలకు
ఏ మతం జవాబివ్వగలదు ??

06.06. 2016