నడి చొచ్చే సూర్యుడు ( NADI COCCHE SURYUDU)

నడి చొచ్చే సూర్యుడు



దోషాలున్నాయని
ద్వేషాలు పెంచుకోవద్దు
అవిశ్రాంత  రాజకియ నాయకులు
ఊక  దంపుడు ఉపన్యాసాలిస్తారు
మర మనుషులు కాలాన్ని అమ్ముకొంటారు
వాళ్ళ  జెండాల్ని  మోయ డానికి
ఎన్నాళ్ళని ఈ ముళ్ల కంచెల్ని  దాటలేవో
అన్నాళ్లూ నీ పరిస్థితి మారదు
చీపుర్లు రాజకీయం చెస్తున్నాయి
చెప్పులు విసిరేసి కొందరు
సిరాలు విసిరేసి కొందరు
తమ నైరాశ్యాన్ని చూపిస్తున్నారు
రాజ కియం నేడు
అబద్ధాలే చెబుతుంది
నిజాలు నిప్పయినా
అవి మసి పూసిన మారేడు కాయలే
రాజకీయం సామాన్యుడిని
అనాది నుండి సందిగ్థం లోనే పడేస్తోంది
చూసిన కళ్ళు నిజమని నమ్మవు
అయినా ఆశల ఒయాసిస్సులు 
నిన్ను ఎడారి దాకా నడిపిస్తాయి
ఈ ఫ్రయాణం ఆపేసి తూర్పు దిక్కు కెళ్ళు
నడి చొచ్చే సూర్యుడు నీ కొసం వేచి ఉంటాడు!




రచన: వారణాశి భాను మూర్తి
12.12.2014