Wednesday, July 10, 2013

మొక్కలా....సాగిపో...!!

బద్ధ లైన కోట బురుజుల్లోన
పాడు బడిన ఇంటి గోడల నెర్రుల్లొన
శిధిల గాలి గోపురాల పైన
ఒక మర్రి మొక్క మొలకెత్తుతోంది
ఆశ్చర్యం వేస్తుంది నాకు !
నీరు లేక పోయినా, ఎరువు లేక పోయినా
మట్టి లేక పోయినా, పాదు లేకపొయినా
... ఒక మొక్క అలా ఎలా పెరుగుతోందని?
నిరాశా నిస్పృహల మధ్య
ప్రతికూలమైన పరిస్థితుల మధ్య
ఒక చిన్నారి మొక్క మాను గావడానికి
బ్రతకడానికే అవకాశం లేని అవస్థల మధ్య
అరాట పడుతోంది తనూ ఒక వృక్షం గావాలని
అందుకే - ఓ తమ్ముడా
అవకాశాలు లేవనుకోకు
అకాశమే హద్దు నీకు
ఆర్థికంగా చితికి ఫొయినా
నా అనే వారు లేక పోయినా
మొక్కవోని ధైర్యంతో మర్రి మొక్కలా
బ్రతకడం నేర్చుకో
ఎవ్వరో ఒకరు దయ తలచి
తన తోటలో తావిచ్చి రోజూ కడివెడు నీళ్ళు కుమ్మరిస్తాడు
మర్రి మొక్కను మహా వృక్షంగా చేస్తాడు
ఏ మంచి మనిషో నీకు అసరాగా నిలుస్తాడు
నీ కలల ప్రపంచాన్ని నిజం చేస్తాడు
అప్పుడు నీవు గూడా -
మర్రి చెట్టులా పది మందికీ నీడ నిస్తావు !


09.07.2013

No comments:

Post a Comment